قازاقستاندىق, الەمنىڭ 129-راكەتكاسى ميحايل كۋكۋشكين US Open ءتۋرنيرى ىرىكتەۋ سايىسىنىڭ فينالىنا شىقتى, دەپ حابارلايدى Egemen.kz.
ىرىكتەۋ سايىستارىنىڭ 13-راكەتكاسى بولىپ تىركەلگەن م.كۋكۋشكين جارتىلاي فينالدا دۇنيەجۇزىلىك رەيتينگتە 168-ساتىدا تۇرعان تايبەيلىك دجەيسون دجانگپەن شەبەرلىك بايقاسادى.
قازاقستاندىق تەننيسشى قارسىلاسىن 6:4, 6:3 ەسەبىمەن ەكى سەتتە ۇتتى. 1 ساعات 26 مينۋتقا سوزىلعان ماتچ بارىسىندا م.كۋكۋشكين 2 ەيس جاساپ, 5 برەيك-پوينتتىڭ ۇشەۋىن پايدالاندى. تايبەيلىك سپورتشى 1 ەيسپەن عانا شەكتەلدى.
م.كۋكۋشكين ىرىكتەۋ سايىستارىنىڭ فينالىندا الەمنىڭ 150-راكەتكاسى, فرانتسيالىق انتۋان وانمەن كۇش سىناسادى. ونى جەڭسە, نەگىزگى تۋرنيرگە جولداما الادى. قازاقستاننىڭ ءبىرىنشى, الەمنىڭ 37-راكەتكاسى الەكساندر بۋبليك 30 تامىزدا باستالاتىن نەگىزگى جارىستا ونەر كورسەتەدى.
ونىڭ قارسىلاسى – رەيتينگتە 134-ساتىداعى گەرمانيالىق ياننيك حانفمانن.